Наесен Дабиле и Просениково ќе добијат канализации, кажа градоначалникот на Струмица кој најави системи и во Вељуса и Банско

419

Наесен жителите од струмичко Дабиле ќе добијат канализационен систем и нема да се изложуваат на трошоци за чистење на септичките јами со што ја загадуваа животната средина. Освен Дабиле до крајот на летово треба да биде ставен во функција и канализациониот систем во Просениково. Двата системи се изведуваат во рамките на проектот ,, Водоснабдување и одведување на отпадни води ’’ финансиран со кредит обезбеден од Европската Инвестициона Банка а се реализира преку Владата.

Во Дабиле се изведува колекторска мрежа од околу 9 километри која се поставува по улиците во ова населено место. Во Просениково пак е поставена мрежа од околу 7,6 километри. Таму во моментов се работи  на враќање на состојбите во првобитна положbа со асфалтирање на рововите. Градоначалникот на Струмица Коста Јаневски кажа дека обезбедени се средства за канализација во Вељуса а се бараат средства и за Банско за кое имат изготвено проект за изградба на канализационен систем.

,,Преку Агенцијата за финансиска  поддршка на земјодоелието и руралниот развој одобрен е проект за изградба на канализација во населеното место Вељуса. Имаме изготвено готов преокт за канализационен систем и во Банско кој е малку поопесежен заради конфигурацијата на теренот и даваме максум да обезбедиме средства и го реализраме и овој проект во интерес на нашите граѓани’’, кажа градоначалникот на Струмица Коста Јаневски

Системите во Дабиле и Просениково се работат со околу 36 милиони денари кои Министерството за транспорт и врски ги обезбеди преку кредит на Европската Инвестициона Банка. Министерот Горан Сугарески вели дека средства за вакви капитални инвестиции, освен во министерството за транспорт и врски има во министерствата за локална самоуправа, животна средина, во европските фондови и ќе мора да се работи на тоа поле се со цели граѓаните добијат современи услови за живот

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.