Младите од Радово и годинава со Крстен пат – патот на Исус Христос од судницата на Пилат до гробот (ФОТОГАЛЕРИЈА)

3231

Голем број граѓани учествуваа во Крстниот пат што секоја година го организираат младите од струмичко Радово во соработка со селската црква ,,Свети пророк Илија“. Станува збор симболизирање на последниот пат на Исус Христос  во должина од 748 метри по селските улици во Радово при што на 14 постојки граѓаните застануваат и се молат. Сето тоа се прави на Велики Петок во очи на Велигден а традицијата потекнува од 2008 година кога група на малди верници сакале автентично да ги пренесат последните мигови на спасителот Исус Христос.

Крстниот пат започна од селската црква при што напред се упатија младите. Едни беа облечени како византиски војници а до нив беше Понтиј Пилат, други како жители на Галилеја а предничеше мајката на Исус кој го глумеше младо момче од Радово.  Тие на 14 те постојки по селските улици во Радово го презентираа чинот на ставање на трнливиот венец, давањето на светиот крст, трите паѓања на Исус Христос со крстот, обидот на граѓани да му помогнат, како и чинот на распнување.

,,  Денес е Велики Петок кога жалиме за Исусовата смрт а од друга страна ја славиме смртта бидјеки човештвото е спасено. Во животот имаме и подеми и падови и треба да знаеме секогаш да се воздигнеме. Тоа е пораката од овој крстен пат да знаеме и покрај се, да подадеме рака, да бидеме хумани и да се почитуваме и сакаме бидејки сите ние сме како едно  семејство“ истакна отец Илија Стојанов од парохијата на католичката црква Св. Илија во Радово.

Со Крстниот пат чиноначалствуваше монсињор Киро Стојанов бискупот скопски и епарх на струмичко скопскиот епарх за католциите од византискиот обред во Македонија. Тој потекнува токму од насленото место Радово каде според последниот попис има 804 жители од кои 96 одсто се католици.(В.Трајков)

   ФОТО ДРНКА.МК

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.