МЗШВ дава под закуп земјоделско земјиште во атарите на 50 тина села во Југоистокот – закупнината од 80 до 300 евра по хектар !

1845

МЗШВ објави четири јавни повици за издавање на државно земјоделско земјиште до 3 хектари на кое нема подигнато долгогодишни насади, врз кое нема востановено право на закуп или за кое не се води постапка за денационализација.  Во Јавните повици 2 3 и 4  се нуди и земјиште во атарите на околу 50 тина населени места во Југоистокот односно во регионите на Гевгелија, Валандово, Струмица и Радовиш и тоа за лозови и овошни насади како и оранжерии за 30 години, за одгледување лешник до 70 години, маслинарници до 50, ливади до 15 години…..

Во Регионот на Валандово се нуди земјиште кај казандол, Марвинци, Пирава, Јосифово, Терзели и минималната годишна закупнина за хектар во овој регион е 17 567 денари. Во гевгелискиот регион,  земјоделско земјиште се нуди кај Богородица, Давидово, Кованец, Миравци, Петрово, Габрово, Смоквица, Негорци, Ново Конско, Мрзенци, Ѓавато, Селемли, Фурка, Стојаково, Црничани, Сретеново и други. Минималната годишна закупнина за хектар за овие парцели според објавениот јавен повикброј 2 изнесува 13 400 денари

Во Струмичко парцели се нудат кај Ново Село, Сачево, Зубово, Колешино, Смоларе, Василево, Водоча, Пиперево, Нова Маала, Добрашиници, Мокрино, Градско Балдовци, Дабиле, Муртино, Моноспиотво, Габрово, Варварица, Добрејци, Просениково но и други населени места. Закупнината годишна по хектар изнесува 5 495 денари додека во регионот на Радовиш парцели има кај тополница, Бучим, Калаузлија, Дамјан, Скоруша, Лубница и Конче со минимална годишна закупнина од 4 772 денари

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.