Манчев ја презеде функцијата градоначалник на Босилово, доделени решенијата и на новите советници

1626

Од денеска и официјално прв човек на општина Босилово е Ристо Манчев. Тој заедно со новизбраните членови на Советот ги добија решенијата од ОИК Боислово по добиените резултати од првиот круг од Локалните избори. Веднаш потоа се случи и примопредавање на градоначалничката функција од Зоран Зимбаков кој општината ја водеше во изминатите четири години.

,,Од денеска во служба на граѓаните, сите заеднички ќе чекориме кон модерна и просперитетна општина Босилово! Пред сите нас претстои многу работа, претстојат многу предизвици и обврски на кои што сме подготвени соодветно да одговориме. Потребите на граѓаните се на прво место и заедно ќе ги создаваме промените и проектите со кои ќе градиме нова иднина,, напиша новиот градоначалник Манчев

Инаку во Советот на општина Босилово ќе партиципираат 8 советници од коалицијата предводена од ВМРО ДПМНЕ, 6 од коалицијата на СДСМ но и Стојан Велков Tрн од граѓанската иницијатива ,,Стига е’’.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.