Македонски песни и ора ечеа два дена во Иловица на фолклорните средби за празникот Св. Атанасиј (фото)

1205

Во чест на празникот Св.Атанасиј а по повод јубилејот 10 години КУД Кирил и Методиј, изминативе два дена се одржаа шестите по ред Фолклорни средби Св. Атанасиј на кој зедоа учество повеќе културни друштва и фолклорни ансамбли од земјава а во саботата присутните имаа можност да уживаат во музиката со традиционални изворни  инструменти.

Пред преполнетата сала во Домот на културата во Иловица настапија четирите групи на КУД „Кирил и Методиј“ од Иловица, Ансамблот „Етнос“ од Скопје, КУД „Јахи Хасани“ од Чеграни, гостиварско, КУД „Стоби“ од Градско, КУД „Русалии“ од Секирник и НЧ „Антон Попов“ од Самоилово, Бугарија а во саботата ученици на ООМУ „Боро Џони“ од Струмица под менторство на професорот Игор Ангелов, Никола Ѓоргиев од Дрвош, како и Фолклорниот ансамбл „Велигденски цветови“ од Јаргулица презентираа музика од изворни инструменти

,,Гордоста на Општина Босилово, КУД”Кирил и Методиј” Иловица прославува десет години од основањето.Заедно со народот, ја чуваме и негуваме културата, традицијата и обичаите! Огромна благодарност до организаторите, до сите учесници и до граѓаните кои масовно го поддржаа овој фестивал,, објави градоначалникот на Босилово Ристо Манчев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.