Македонските одбојкари ја замолкнаа ,,Стожице” во Љубљана – Словенија на колена, се чека пораз на Финска

1560

Македонските одбојкари им одржаа лекција на словенците кои се сметаа за фаворити и претенденти за медал на ЕП во одбојка што се одржува во четири држави. Не им помогнаа ниту домашната публика во салата Стожице во Љубљана кои останаа занемени откако македонската одбојкарска чета демонстираше упорност, желба за докажување, квалитет а пред се срце на терен како планина.

Четата на капитенот Никола Ѓорѓиев покажа како се сака националниот дрес и не се откажаа од желбата за пласман во втора фаза од Европското првенство во одбојка. Прокнижаа две победи едно подруго за два дена. Ја надиграа Белорусија но ја замолкнаа и Словенија пред десетилјадната публика во Стожице надигрувајки ги со резултат 3:1 во сетови и сега чекаат разврска или конкретно пораз на Финска од Турција

Турците се фаворити во мечот со финците, но скандинавците ќе се обидат да не ја пропуштат шансата за билет во Нант Франција. Но што и да се случи, македонските одбојкари предводени од струмичаните браќата Никола и Ѓорѓи Ѓоргиеви, Владо Милев, Александар Љафтов, Ристо Николов, Филип Маџунков, Васе Михаилов, Славе Наков и младиот Стојанче Илиев испишаа нова страница во македонската репрезентативна одбојка. Со скромен буџет во однос на другите  федерации се пласираа на Европско првенство и се на прагот за пласман во втората фаза.

Дебитанти но жедни за победа и високи дострели, селекција која сака Македонија да биде во врвот на европската одбојка

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.