Како ќе изгледа градинката во Ангелци што општина Василево почна да ја гради (фото)

308

Деновове почнаа градежните активности за изградба на градинка во населеното место Ангелци откако општината средствата ги обезбеди од Министерството за труд и социјална политика. Станува збор за градинка кој се наоѓа во кругот на подрачното училиште во Ангелци каде се школуваат децата од прво до петто одделение од ова и населеното место Градашорци.

Градинката во Ангелци ќе биде со капацитет од 55 дечиња. Изградба со комплетно внатрешно опремување  со потребниот инвентар треба да заврши во рок од 16 месеци. Средствата за изградба се обезбедени од Владата во висина од околу 230 илјади евра.

,,Со изградбата на оваа детска градинка на родителите од ова и соседните населени места ќе им овозможиме сигурно катче за згрижување, престој, едукација, воспитување и социјализација на нивните деца од најмала возраст а тие да се посветат на работните обврски Градинката е наменета за згрижување на дечињата од населените места Ангелци, Градашорци, Седларци,  Едрениково и населеното место Вељуса кое иако не е под општина Василево е блиску до Ангелци и има одлична патна порзаност.,, рече летово граодначалникот на Василево Марјан Јанев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.