И покрај апелите на Комуналец пак се фрла отпад низ Струмица иако на 13-110 може да се јават за да им го подигнат

373

ЈПКД Комуналец од Струмица уште еднаш апелира до струмичани да не се остава кабаст отпад на јавни површни туку тој да се пријави до службите на претпријатието или пак на телефон   за да дојдат со трактор го подигнат и го транспортираат до депонијата.  Попладнево на својата ФБ страна објавија како несовесни граѓани најверојатно по реновирање или чистење на домот оставиле разновиден отпад на јавна површина создавајки депонија

,, Ние како Јавно Комунално Претпријатие вршиме подигање на смет од домаќинствата исклучиво во кантите кои се доделени за таа намена. Ги молиме сите граѓани останатиот отпад да го пријавуваат на бројот 13 110 се со цел да биде подигнат во најкраток можен рок. Секое непријавување е некултурно и ја загадува животната средина во која сите ние живееме. Ако имате друг отпад не го оставајте пред зградите надвор од контењерите и на јавните површини туку пријавете бидејки таквиот отпад не може да оди во камионот за собирање на смет од домаќинствата. За тоа е потребно да донесеме трактор и да го отстраниме отпадот. Да се однесуваме сите одговорно и со тоа да допринесеме за поубав и почист град, за подобра животна средина во која ние сите живееме,, апелираа од Комуналец Струмица

Струмичани на 13 110 може да се јават и да го пријават кабастиот или градежен отпад при што до два кубика воопшто не им се наплаќа. Досега на десетина правни и физички лица од Струмица им се изречени казни заради фрлање отпад на забранети површини. На посочениот телефонски број струмичани може да пријават и загадување или проблеми на водоводна и канализационата мрежа

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.