Истатов ми даде сила – Ѓорѓиев осум часа трчаше и возеше велосипед за фудбалската легенда (фото)

1424

Цели осум часа ултрамаратонецот Николчо Ѓорѓиев трчаше и возеше велосипед за фудбалската легенда Благој Истатов кој пред три години почина на 71 годишна возраст. Својата рута Ѓорѓиев ја започна од Струмица и трчаше 10 километри до населеното место Владевци. Првата делница ја истрча за 43 минути по што продолжи со велосипед кон Радовиш, Неготино а од таму кон Гевгелија.  Ова делница Ѓорѓиев ја заврши за четири часа и некоја минута а последните 30 километри од Удово до Дојран  повторно ги трчаше кој успеа да ги совлада за точно три часа.

Всушност станува збор за ,,дуатлон’’ како спортска дисциплина која Николчо  Ѓорѓиев кој живее и работи во Швајцарија дојде во Македонија да ја посвети на фудбалската легенда Благој Истатов.

,,Најтешко ми беше на самиот крај од дуатлонот, односно последните неколку километри кон хотелот Истатов во Дојран кога го видов езерото. Почуствував мали потешкотии односно грчеви во пределот на нозете но помислата дека тоа го правам за Истатов ми даде некоја сила. Во тие моменти како повторно да ги слушав неговите совети кога беше жив дека во спортот нема откажување,, ни изјави Николчо Ѓорѓиев кој зад себе има настапи и на две светски првенства во дуатлон во Швајцарија

Со Ѓорѓиев беа и членовите на ВК ,,Актив’’ од Струмица кои постојано му даваа поддршка на самата рута. Трчаа и возеа велосипед со ултрамаратонецот кој во Дојран беше пречекан од синовите на Истатов, Боро и Мишел кои му се заблагодарија за подвигот што го направи за нивниот татко –  фудбалската легенда Благој Истатов

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.