Интервју со Танкица Стојанова волонтер од Струмица – Мора да бидеме нечие сонце во тмурен ден

1435

Да се помогне и подаде рака на лица во заедницата е главното мото на Танкица Стојанова од Струмица која 13 години е волонтер при струмичката организација на Црвениот крст. Таа беше прогласена како еден од најистакнатите волонтери во земјава а на манифестацијата по повод денешниот Светски ден на волонтерството ,, Хероите меѓу нас – Незапирливи’’ од страна на Елизабета Ѓоргиеска сопруга на претседателот Стево Пендаровски доби признание Благодарница за придонес во реализацијата на целите и задачите на Црвениот крст во 2021 година

Која е Танкица Стојанова која доби Благодарница

Танкица е актер во НУЦК „Антон Панов“ Струмица од 2018 година, со одиграени над 15 улоги. Волонтер во Црвен крст на Република Северна Македонија општинска организација Струмица од 2008 година. Би се опишала како хуманист и колег активист но пред се сум амбициозна и посветена личност и ја сакам природата и животните.

Како дојде љубовта да бидете волонтер во Црвен крст

Првите чекори во Црвениот крст ми беа во 2008 година. Сосема случајно бев дел од еден проект организиран од Цвен крст, тоа беше проектот ЦКА-ПХВ ( Црвен крст во акција-Промоција на хумани вредности) алатка која се користи за вмрежување на волонтерите. Ми се допадна начинот на комуникација, работите што ги учеа таму и решив дека сакам да бидам волонтер. Од тогаш па до ден денес можам да кажам дека Црвен крст е семејство

Што според Вас значи волонтер

Волонтер споед мене е единка во заедницата која што излегува од својата комфорт зона. Лице кое што несебично го споделува своето бесценето време спремно да научи нови работи, да биде од помош во заедницата.

Ти помагаат ли стекнатите вештини за да помогаш

Да и тоа многу. Секојдневно учиме нови работи и стекнуваме нови вештини. Лично сум била во ситуација кога требало да укажам прва помош; личноста беше во безсознание, колабираше и благодарение на кусевите кои досега сум ги посетувала и вештините кој што ги стекнав на истите, ја ставив во странична положба и успеав да и го спасам животот. Исто така се најдов на лице место на сообраќајна незгода каде што имаше двајца повредени, за среќа едниот беше во добра состојба. Но, другиот благодарение на мојата интервенција со правклно укажана прва помош не дојде до животно-загрозувачка состојба.

Кој е апелот на Танкица како волонтер до сите

Во оваа време-невреме да се почитуваме повеќе меѓусебно, да си помагаме и да шириме љубов, добрина и позитивна енергија. Особено апелирам до младите да станат волонтери во Црвениот крст, да го променат своето секојдневие и да бидат нечие сонце на тмурен ден.

Освен Танкица на манифестацијата ,,Хероите меѓу нас – Незапирливи’’ беа доделени признанија и на други 10 волонтери од земјава кои несебично се залагале оваа година да бидат во корист на заедницата и ги реализирале предвидените цели и задачи на Црвениот крст на Македонија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.