Изградена е канализациона мрежа во Црничани – Дојранско, следува мини пречистителна станица

837

Завршена е целосната канализациона мрежа во с.Црничани, која е финансирана со средства обезбедени од Влада на Македонија и програмите на Министерство за животна средина и просторно планирање како и од Центарот за меѓународна соработка и развој на  Словенија.

Изградена е канализациона мрежа во должина од 1988 метри, плус изведени приклучоци за секое домаќинство. Износот за реализација на овој проект е 17.481.491 денари.

„Со реализацијата на канализационите мрежи во селата Фурка и Црничани следува изградба на мини пречистителни станици, кои во моментов се проектираат, а средствата се веќе обезбедени од Влада, МЖСПП и ЦМСР на Р. Словенија. Барањата на граѓаните на општина Дојран се наш врвен приоритет, продолжуваме со уште посилен интензитет во периодот што доаѓа.“, објави градоначалникот на Дојран Анго Ангов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.