За туристичката сезона во Дојран ќе има 24 часовна здравствена заштита, општината доби донација амбулантно возило (фото)

1489

Во Дојран ќе има 24 часовна здравствена заштита откако општината доби донација од амбулантно возило од Германија. Возилото постојано ќе биде во Стар Дојран а медицински персонал ќе се ангажира од општа Болница од Гевгелија и Здравствен дом од Струмица. Вака најави министерот за здравство Венко Филипче за да ова туристичко место биде покриено со контуинирана здравствена заштита во отсуство на приватни амбуланти со матични лекари во Стар Дојран.

,, Со ова донирано амбулантно возило значително ќе се подобри пружањето на итна медицинска помош на лицата што престојуваат овде. Од 1 јули медицински персонал од Гевгелија и Струмица ќе ротира овде со 24 часовно дежурство. Лекарите сами ќе проценат дали на пациентите ќе им биде пторебна дополнителна медицнска нега во една од блиските болници на Дојран или ќе биде транспортиран до клиниките во Скопје,, рече министерот Филипче

Од општина Дојран се заблагодарија на ,,Руски транс” од Германија во сопственост на македонец за донацијата. Градоначалникот  Ангов подвлече дека со амбулантното возило во голема мера ќе се скрати времето на интервенции во Дојран кога во ова место престојуваат и по десетина илјади гости. Како општина во соработка со јапонската амбасада по завршување на туристичката сезона ќе се пристапат кон реконструкција на објектот

,,Возилото за брза помош ќе биде постојано достапно и на располагање за жителите од Општина Дојран кои имаат потреба од брза интервенција. Со оваа набавка дополнително се зајакнуваат капацитетите за транспорт на пациенти и се овозможува побрз и полесен пристап на пациентите до потребните здравствени услуги, особено што станува збор за пациенти во животозагрозувачка состојба, кога брзата реакција е од витално значење.Во преговори сме со јапонската амбасада која изрази подготвенсот да помогне во реконстуркцијата на овој објект  со што значително ќе се подобрат условите на здравствените работници кои ќе работат овде. Инаку планираме објектот да го реконстурираме по завршување на годинашнава туристичка сезона,, кажа Ангов

Минатата година во Дојран здравствени услуги се нудеа само до 20 часот со една екипа од гевгелиската болница. Во ноќните часови дојранчани и гостите мораа за било какви лекарски прегледи да ангажираат приватни возила или да чекаат најмалку по половина час за да стаса возилото на брза помош од Гевелија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.