Здравствениот дом Струмица набави ново амбулантно возило за Итната медицинска помош вредно 54 илјади евра

1039

ЈЗУ Здравствен дом од Струмица набави ново амбулантно возило за потребите на Итната медицинска помош. Првиот човек на ова здравствена установа Љубица Митева на својот ФБ профил објави дека станува збор за возило опремено со потребната медицинска опрема за транспорт и пружање помош на пациетни на кои им е неопходна.,,Обезбедивме едно амбулантно возило од сопствени средства за потребите на итната медицинска помош. Возилото е опремено со целокупна медицинска опрема и како такво е обезбедено со систем за филтрација во болничкиот простор да ги отстранува 99,9% честички што одговараат на големината на вирусот SARS / COVID-19 (0,1 микрометри) и можност да испушта секоја минута свеж воздух во простор со волумен од 10m³,, објави Митева која подвлече дека и во иднина ќе продолжат да обезбедуваат квалитетни здравствени услуги и активно ќе учествуваат во борбата за спречување и ширење на заразата предизвикана од COVID-19.

Возилото чини 54 587 евра. Набавено е од фирмата Би-Мек од Скопје која понуди најниска цена на тендерот што го распиша Здравствениот дом од Струмица во септември а во октомври беше потпишан догворот. Се очекува новото амбулантно возило периодов да биде ставено во функција за потребите на јавното здравје.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.