Општина Струмица и оваа година ќе ги субвенционира домакинствата што се греат на гас по 10 денари за секој потрошен кубен метар. Ваква одлука донесе Советот на Општина Струмица на последната седница со цел да ги мотивира граѓаните за приклучување и користењет на мрежата за гас што ќе придонесе и за намалување на загадувањето на животната средина
,, Средствата во нето износ од 10 ден/м3 ќе се исплаќаат од Буџетот на
општина Струмица за 2024 година, на сметка на потрошувачите на гас, врз основа
на доставен извештај од страна на ЈПЕД „Струмица – Гас” Струмица. Оваа Одлука произлегува од преземените обврски од буџетските форуми, развојните буџетски програми на Општината и Програмата за активности во областа на заштитата на животната средина на подрачјето на Општина Струмица за 2024 година и е во насока на мотивирање на граѓаните за приклучување и користење на мрежата за гас, а со тоа и за намалување на загадувањето и овозможувањето на поздрава животна средина
на подрачјето на Општина Струмица “, стои во одлуката и образложението
Во меѓувреме ЈПЕД Струмица гас објави дека за месец јануари цената на природниот гас ќе биде 49,3017 денари без ДДВ, односно 58,176 денари со ДДВ за еден кубен метар, додека во декември цената беше 62 денари. Ова значи дека цената на потрошен кубен метар за јануари со субвенцијата ќе изнесува 48,176 денари
,, Ние сме подготвени да ги испорачаме потребните количини гас за нашите корисници и нема да има никакви проблеми. Иако е тешко да се предвиде но цената на гасот ќе иам тренд на опаѓање“, кажа директорот на Струмица гас Благој Милановиќ пред грејната сезона.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
