За поврзување со иселениците, во Василево ќе се отвора Центар за дијаспора

134

Во општинскиот центар Василево ќе се отвори канцеларија каде вработен од ова локална самоуправа ќе дава информации и услуги на иселениците од ова општина но и ќе биде мост за продлабочување на соработката со местата каде што живеат. Градоначалникот на  Василево, Славе Андонов  и Министерот задолжен за дијаспора  Џемаил Чупи потпишаа договор за соработка со кој се отвора т.н. Центар за дијаспора

Канцеларијата, наречена „Центар за дијаспора“, ќе има посредничка улога и ќе служи како центар  во кој или преку кој,  на граѓаните од дијаспората ќе им се овозможи пристап  до потребните информации и дополнителни насоки по основ на нивните права и соодветните постапки пред надлежните институции,, кажа градоначалникот на Василево Славе Андонов

Договорот има пет столба и тоа: креирање на база на активните здруженија во дијаспората, креирање на база на податоци на економската дијаспора како претпоставка за привлекување на странски инвестиции, третиот столб е мапирање на научната дијаспора, четвртиот столб е култура и петиот столб,  збратимување на општините.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.