Објектот до школото во Секирник ќе стане функционален – фирма од Босилово го доби тендерот за реконструкција

2378

Преку Центарот за развој на Југоисточниот плански регион ќе се врши реконструкција и адаптација на објект на Подрачното училиште Св Кирил и Методиј во Секирник – Општина Босилово. Центарот, неодамна го склучи договорот со фирмата Мајстор Компани од Босилово која го доби тендерот по распишната јавна набавка на која се јавија вкупно пет фирми. Фирмата од Босилово понуди најниска цена за предвидените работи од техничката спецификација и тендерот го доби за 118 илјади евра или 7 милиони и 250 илјади денари, кои се обезбедени од Центарот и Општина Босилово.

Според склучениот договор ќе се адаптира објектот до училиштето. Ќе се изврши демонтажа на постоечкиот кров од 500 квадратни метри и ќе се изгради нов. Откако ќе се направат ѕидаро-молерски работи ќе се изврши адпатација на просторот за тоалети со соодветна санитарија и столарија како и поставување на нова водоводна и канализациона мрежа внатре и надвор од објектот. Паралелно се планира и систем на греење како и поставување фотоволтаичен систем од 20 кW.

Сите предвидени работи треба да се реализираат во рок од 9 месеци откако фирмата Мајстор Компани ќе биде воведена во работа. Станува збор за објект кој треба да биде ставен во функција за потребите како на учениците од прво до петто одделение во Секирник така и за просветниот но и техничкиот персонал во ова училиште. (В.Т)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.