Заев бара одговорност од Чулев за полициската акција, МВР тврди дека контролирале полициски час и нашле пакети со непозната содржина

1099

Хуманитарните пакети со прехрамбени артикли донирани од семејството Заеви тргнаа кон семејствата од социјален ризик во осум општини во земјава.  Околу 15 часа стоеа пред магацинскиот простор на хуманитераното здружение ,, Сите можеме заедно’’ во Струмица каде од синоќа МВР вршеше контрола и увид а беше спречена утринската дистрибуција до семејствата на кои им треба помош од коронавирусот.

МВР вели дека станувало збор за контрола за почитување на забраната за движење при што на улицата ,,Ѓорги Трајков’’ биле затекнати 11 лица и поголем број пакети со непозната содржина. Дел од лицата имале дозволи преку здружението дел од општинскиот кризен штаб.

,,По овластување на дежурен Јавен обвинител извршен е увид на местото на настанот од страна на увидна екипа при СВР-Струмица и со Потврда се одземи предметните дозволи и известувања со цел проверка на веродостојноста на истите.  По насоки за постапување од Јавниот обвинител дадена е Наредба на полициски службеници физички да се обезбедуват пакетите со непозната содржина се до моментот на доставување на целокупната документација за истите од страна на Здружението за хуманитарни цели “Сите заедно можеме“,, се вели во информацијата на МВР од каде подвлекуваат дека нема приведени а во координација со ОЈО Струмица се работи на целосно докуменитрање на случајот

Од МВР информираа дека одделот за внатрешна контроладополнително  ќе утврдува дали полициските службеници постапиле според правилата и процедурите при синоќешната акција со која беше стопирана дистрибуцијата на хуманитарни пакети

За денешната полициска акција реагираше Зоран Заев кој побара одговорност од министерот Наќе Чулев, Христијан Мицковски и ВМРО ДПМНЕ заради злоупотреба на полицијата и државните институции. Тој на својот ФБ профил напиша дека ова е скандал и обид да се спречи хумана и солидарна акција за помош на граѓани

,,Очекувам надлежните институции да спроведат истрага и да ги посочат виновниците. ВМРО ДПМНЕ преку полициски структури попречува хуманитарна помош за граѓани и ги злоупотребува државните институции. ВМРО ДПМНЕ со полициски режимски структури од синоќа до рани утрински часови вршеше притисок и закани врз волонтери и членови на граѓанската организација,, напиша Заев

Реагираа и од ВМРО ДПМНЕ. Од таму сметаат дека секој во земјава треба да се почитуваат законите во земјава во однос на полицискиот час . Според ова партија станувало збор за подготовка на пакети за поткуп на гласачи кажа портпаролот на ВМРО ДПМНЕ Димче Арсовски кој подвлече дека во пакетите немало ниту еден македонски производ

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.