Заврши одбојкарскиот турнир во Сушево под покровителство на Општина Василево – познати победниците !

621

Заврши одбојкарскиот турнир во населеното место Сушево по повод празникот ,,Мала Богородица“ под покровителство на Општина Василево. На турнирот учествуваа вкупно 6 екипи и изминативе денови се надмудруваа на одбојкарското игралиште во Сушево кое се смета за одбојкарско село и расадник на млади одбојкари.

Победник на турнирот е екипата Јуми Транспорт од Сушево која во големото финале славеше против Васфил Сонце од Нова Маала а третото место го освои екипата на Ромил од Сушево.

Победата на најдобрите, лично но и преку својот ФБ профил  им ја честиташе градоначалникот на општина Василево, Славе Андонов, кој присуствуваше на турнирот и ги бодреше учесниците.

„Заврши традиционалниот турнир во одбојка во Сушево по повод празникот Рождество на Пресвета Богородица. Во изминатите неколку дена Сушево беше место за дружење и спортски натпревари. Честитки до победниците но и до сите други екипи за нивното спортско однесување“, напиша градоначалникот Андонов.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.