Жителите на Старо Коњарево блокираа багери за да нема шумски пат и сеча над нивното село во Беласица

903

Жителите од подбеласичкото населено место Старо Коњарево го спречија обидот на струмичкото шумско стопанство, над нивното село да пробива шумаки пат за сеча и транспрот на огревно дрво. Излегоа со трактори и ги спречија багерите да се упатат кон месноста ,, Дебел бук’’ каде треба да се работи. Селаните велат дека  со влегување на механизација над селото им се загрозува безбедноста, бидејки патот што планира да го прави  ЈП ,,Национални шуми’’ е на ерозивно место  кај изворите за селскиот водовод.

,, Шумата над селото е наше богатство и не штити од надојдени атмосферски води. Со соголувањето на тој предел постои опасност од појава на свлечишта директно врз нашите куќи. Паралелно последниве денови водата во селскиот водовод е матна бидејки се работи во непосредна близина на водоводот. Сега мора вода да купуваме од селската продавница. Лани ветија дека ќе се најде алтернативно решение за овој проблем но очигледно е дека не се откажале,, кажаа жителите од Старо Коњарево

Тие механизацијата ја стоприаа кај локалитетот Топлико и кажаа дека нема да отстапат од нивната намера да се стопира изградба на било каков шумски пат над нивното село.

Ова не е првпат да реагираат жителите од Старо Коњарево. Лани во јануари исто така организираа протести заради што мораа да интервенираат од општина Ново Село и пратеници од власта кои заедно со тогашното раковдство на ЈП ,,Национални Шуми’’ се согласија да се прекине со пробивање на шумски пат над нивното село и да се најде друго решение за сеча на високостеблеста шума на тој предел на планината Беласица.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.