НУ Завод и Музеј Струмица објави дека почнале со теренските активности за изработка на Основен проект за Конзервација и реставрација на Пирго Кулата кај Мокриево. Станува збор за доцна античка кула која според сите претпоставки била користена и во периодот на Цар Самуил.
,,Стручен тим од НУ Завод и музеј Струмица во соработка со проф. д-р Трајче Нацев од Универзитетот “Гоце Делчев” од Штип започнаа со реализација на проектот: ,,Изработка на основен проект за Конзервација и реставрација на Пиргo кулата во с.Мокриево”.Станува збор за доцноантичка кула изградена во периодот 5-6 век, која најверојатно била активна и во периодот на цар Самуил. Проектот е од годишната програма на институцијата и истиот е подржан од Министерството за Култура и општина Ново Село,, стои во објавата на НУ Завод и Музеј Струмица
Инаку директорот на ова установа Ване Јованов и градоначалникот на Ново Село Ѓорге Божинов во март потпишаа меморандум за соработка и договор каде општината ќе одвои финансикси средства за изготвување на конзерваторски проект за „Пирго“ – кулата во Мокриево.
Кулата е со квадратна основа со димензии 10,65.м на 10,65.м. Ѕидовите се ѕидани во масивен емплектон, со огромни камења кои ги формираат самите лица на ѕидот и со полнеж со поситни камења и малтер. Дебелината на ѕидот е приближно 3 метри. Дел од основата на кулата била поставена на самата карпа, а нејзината најголема сегашна височинска зачуваност е околу 6 метри.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
