Во Дојран почна санацијата и реконструкцијата на колекторскиот систем стар повеќе од 40 години а паралелно тече и постапка за изградба на нова пречистителна станица со што системски ќе се реши собирањето и пречистувањето на отпадните води. Како што истакна градоначалникот на Дојран Анго Ангов колекторскиот систем би требалод а биде готов за рок од 6 до 8 месеци односно пред почетокот на новата туристичка сезона во Дојран
,, До почетокот на летото ќе имаме саниран колекторски систем додека во тек е постапката за изградба на нова пречистителна станица. Останува само изборот на компанијата која ќе го работи. Пречистителната станица би требало да биде готова до крајот на 2024 година. Меѓутоа морам да напоменам дека не се само овие два проекти туку имаме изградба на целосна канализациона мрежа во Црничани и две мини пречистителни станици во Црничани и Фурка,, кажа градоначалникот Ангов
Градоначалникот упати благодарност до Владата на Македонија но и Владата на Словенија кои ги обезбедија средствата за рехабилитација и санација на стариот колекторски систем но и за новата пречистителна. Тие обезбедија околу 3,5 милиони евра за реализација на овие два проекти. Премиерот Ковачевски кој беше во Дојран кажа дека со овие проекти се очекува системско решавање на проблемот со собирање и пречистување на отпадните води
„За прв пат по повеќе од 40-тина години, оваа Влада вложува во рехабилитацијата на системот за отпадни води, овде во Дојран. Со серијата зафати кои ги предвидуваме, се очекува системско решавање на проблемот со собирање и пречистување на отпадните води од Стар и Нов Дојран и другите населени места во општината. На овој начин обезбедуваме максимална заштита на езерските води и на целокупниот еко систем на Дојранското Езеро кое што е законски заштитено подрачје како споменик на природата од 2011 година“, истакна премиерот Ковачевски во Дојран кој упати исто така благодарност до Словенија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
