До крајот на годинава ќе заврши реконструкцијата на Железничката станица во Гевгелија изградена во 1874 година

633

Општина Гевгелија на својата официјална веб страна објави дека реконструкцијата на Железничката станица во Гевгелија изградена во 1874 година е при крај и до крајот на годинава таа треба да биде готова. Обновени се чекалната, билетарата, санитарните јазли и останатите простории во рамките на Железничката а се санира и обновува фасадата на објектот кој е е прогласен за споменик на културата.

,, Пред да биде извршен технички прием, сакавме да направиме увид и заедно со сопственикот на објектот Македонски Железници и изведувачот да укажеме на работите кои треба да се завршат. До крајот на годината Железничката станица во Гевгелија ќе треба целосно да биде готова, а тоа значи внатрешна реконструкција и целосно обновена фасада. На челната страна од објектот ќе бидат поставени грбовите на Општина Гевгелија и на Македонски железници’’ изјавил директорот на Заводот за заштита на спомениците на културата Аце Манински а пренесе општината

Најавена е и можност за урбано уредување на просторот околу старата локомотива што се наоѓа пред Железничката станица во Гевгелија. Инаку преостанатите 10 железнички станици во земјата веќе се завршени, во рамки на проектот „ЕУ за тебе“ на Делегацијата на Европската Унија, а кој се финансира со донација од Шпанската влада.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.