ДЗС: Досега се попишани близу 871 500 граѓани

114

Државниот завод за статистика информира дека досега се попишани вкупно 871 488 лица, 272 177 домаќинства и 368 595 станови, заклучно со попишувањето до вчера до 20 часот.

Можноста за самопопишување на лица во странство, пак, досега ја искористиле 193 236 лица.

Пописот на населението, домаќинствата и становите во земјава, кој официјално започна на 5 септември ќе трае до 30 септември.

Директорот на Државниот завод за статистика (ДЗС), Апостол Симовски вчера изјави дека пописот се одвива со посакуваниот интензитет, без никакви застои и проблеми.

Симовски рече дека бројот на одбивања од граѓани да се попишат е незначителен. Меѓутоа и со овие лица, како што посочи, се разговара и во најголемиот дел досега попишувачките тимови ги убедуваат дека треба да се попишат

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.