Поранешниот стратег на Академија Пандев – Југослав Тренчовски склучи едногодишен договор со 17 кратниот шампион на Кувајт ,,АЛ Араби’’ на една година со можност да остане уште една година. Тој ќе биде прв тренер на младинскиот состав У20 на овој клуб а технички директор на сите останати млади категории.
,, Само што се приклучив на клубот. Стратегијата на челните луѓе на клубот е да се селектираат што е можно повеќе деца кои би играле во првиот тим на Ал Араби. Моментално во првиот тим има пет деца кои се од генерацијата У20 што ја водам а паралелно настапуваат и во младинскиот состав. Овде е поранешна Југославија во мало. Во првиот тим тренер е Анте Мише а помошници му се Кознику и уште двајца хрвати. Во младинскиот сектор мои асистенти се тренери од Босна и Црна Гора,, изјави за Дрнка.МК Тренчовски
Тој соопшти дека условите за работа во клубот се солидни и се тренира исклучиво ноќно време и под рефлектори заради високите дневни темеператури.
,, Секако дека ќе се обидеме да оствариме некој значаен пласман, но пред се целта кени биде подигање на физичките и тактичките перформанси на младите играчи за побргу вклопување во првиот тим. Во младинските школи исклучиво се деца од Кувајт но денеска забележав дека има и деца од Либија,, ни рече Тренчовски
Тренчовски беше една од клучната фигура во развојот на ФК Академија Пандев. Беше координатор на младинските школи а застана и како прв тренер под чија палка ,,пандевци,, ја освоија и првата титула пред две сезони во КУП натпреварувањето.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
