Дечиња во Струмица, Гевгелија, Радовиш, Валандово, Богданци и Дојран со Бадникови поворки го најавуваат Христовото раѓање

439

Пеејќи ја Божиќната песна ,,Вечниот Бог’’ по улиците на Струмица, Гевгелија, Радовиш, Валандово, Богданци, Дојран, повеќе стотици деца ќе го најават Христовото раѓање. Станува збор за Бадникови поворки кои ова година под мотото ,, Бадник за сите – радост за сите’’ ги има во 40 градови во државата каде што дечињата носејќи ја Божиќната ѕвезда што ја симболизира ѕвездата која ги водела тројцата мудреци до местото каде што бил роден Исус. На тој начин и со песната ,,Вечниот бог’’ тие по улиците на градовите ја носат радосната вест на граѓаните за Христовото рождество.

На Бадниковите поворки низ 40-те градови и населени места во Македонија се очекува да има над 10 илјади деца, со што се одбележува десетгодишнината од возобновувањето на оваа древна православна традиција. Во секој од градовите има маршути по кои дечињата коледари  одат и го најавуваат Божиќ . Поворките се очекува да завршуваат во централните цркви низ градовите, каде свештените лица со благослов ги пречекуваат дечињата доделувајки им пригодни подароци.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.