Двајца струмичани добија притвор од 30 дена, за нив обвинителство отвори истрага за дистрибуција на детска порнографија

361

Двајца струмичани заработија 30 дневен притвор од Основното јавно обвителство од Струмица бидејки во 2019 тата присилиле малолетничка која имала наполнето 14 години на снимање слики и видео клипови со порнографска содржина. За овие две лица пред извесен период МВР поднесе кривични пријави а ОЈО Струмица донесе Наредба за спроведување истражна постапка заради основано сомнение дека сториле кривични дела – Прикажување порнографски материјал на дете од член 193 и Производство и дистрибуција на детска порнографија од член 193-а од Кривичниот законик.

Како што стои во инфомрацијата на ЈОРМ во август 2019 година, осомничените на возраст од 24 и 27 години, присилиле малолетничка која имала наполнето 14 години на снимање слики и видео клипови со порнографска содржина. Тие ја повикале оштетената во напуштен локал во еден трговски центар, каде без нејзина согласност извршиле полови дејствија врз неа и тоа го снимиле. Видеото потоа го направиле достапно, така што преку социјална мрежа го испратиле на трети лица.

Надлежниот јавен обвинител до судијата на претходна постапка од Основниот суд во Струмица достави предлог за определување мерка притвор за двајцата осомничени, поради опасност од бегство, можност да влијаат врз оштетената сведокот и можност да го повторат делото. Судијата го прифати предлогот и на осомничните им определи притвор во траење од 30 дена.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.