Да си ги негуваме корените, кажа Трпчески на концертот во Секирник родното село на мајка му ! (фото)

6108

Околу два часа уживаа посетителите на концертот на Симон Трпчески во населеното место Секирник Општина Босилово каде го претстави проектот „Македонисимо“. Дворот на училиштето во родното село на мајка му Нетка беше претесен за жителите на Секирник но и од пошироко кои дојдоа да ги слушаат транскрипциите на македонската традиционална музика во поинаков аранжман од Панде Шахов во соработка токму со Трпчески.

Со реализацијата на овој концерт како што кажа пијанистот му се исполни желбата да го престави „Македонисимо“ во селата од каде потекнуваат неговите родители и места кои се извор на македонската музика. Тој лани „Македонисимо“ го престави во родното село на тако му Збажди струшко на планината Караорман додека годинава во Секирник од каде потекнува неговата  мајка.

,,Овој концерт беше моја дамнешна желба. Еден ваков проект кој укажува на длабоките корени на македонскиот народ, мислам дека нема поосоодветно место отколку да се свири во села, од каде се изнедрува сета енергија и целото богатство. Секирник и струмичката околија имаат исклучително важнно место во историјата на Македонија и буди огромни чувства кај мене и сите колеги од пректот „Македонисимо“. Овој проект ги отсликува традицијата, корените на нашата држава на нашиоt народ, бидејки имаме со што да се гордееме и да не се плашеме да го покажеме во светот “, кажа Трпчески во Секирник.

Трпчески во Секирник родното село на мајка му Нетка моминско Бајрактарова беше пречекан со традиционална погача во Домот на културата. Младите се облекоа во народна носии за неговото доаѓање додека од страна на Русалиите во ова населено место му беше доделана „к’лчка“, реквизит при изведба на русалиските ора.

,, Треба да сме горди со тоа што сме. Сметам дека овој народ овде во Секирник  и нивните предци ,,бежанците“ кои пред 110 години ги напуштиле своите домови не по нивна желба, природна работа е да се потсетиме и тоа да го искажеме преку  музиката и преку музиката  да се прегрнеме сите, за да одиме во една подобра иднина“, потенцираше Трпчески

Концертот во Секирник беше дел од манифестацијата “Босилово културно лето 2023 “ во организација на општина Босилово. Првиот човек на Босилово изрази голема благодарност бидејки според него со вакви концерти се будаат селата и животот во нив на културен план.

,,Трпчески ја покажа неговата љубов кон македонската песна, неговито култ однос кон своите корените, семејството, својот народ. Тој ги импресионира младите од овој регион дека со многу работа и со тален може да се постигне многу независно кој си и од каде си,,рече градоначалникот Манчев

Со концертот во Секирник, Симон Трпчески со Македонисимо ја започнува балканската турнеја во која се планирани настапи во Хрватска, Србија, Словенија, Црна Гора и Романија. (В. Трајков – фото. К. Ѓоргиев)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.