Граѓански здруженија од Едрене Турција донираа столици за Домот на културата во Конче

919

Општина Конче деновиве доби донација од околу 200 столици кои ќе се користат за потребите на Домот на културата но и при организација на секакви општински манифестации. Станува збор за два типа на столици благодарение на соработката што ја восопставија граѓански здруженија од Едрене Турција и Здружението за спорт и кутлура ,,Зија Гокалп’’ од Конче каде добар дел од жителите се од турска националност.

Имено, Здружението за образование и култура ,,Академија на Румели’’ и ,,Федерацијата на Балкански Турци’’ и двете од Едрене Туција, преку ,,Зија Гокалп’’ во Конче доделија вкупно 190 столици од кои 40 се за официјални приеми и гости а останатите пластични. Столчињата се поставени во Домот на културата каде најчесто се организираат разновидни културни манифестации но и општински празници и собири. Како што кажаа од здруженијата ова е само почеток на соработката меѓу граѓаните од Едрене и Конче која ќе се прошири и на културен, економски и спортски план

Во наредниот период се очекува да се зголеми и соработката меѓу општините Конче и турската Бујуккариштиран која потекнува од областа Едрене, за што тие веќе потпишаа меморандум. Првиот човек на општината Благој Илиев на гостите од Турција во знак на донацијата им додели благодарница.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.