Градоначалникот Сашо Поцков го чистеше Армискиот парк и ги повика сограѓаните да дадат свој придонес за чиста и зелена Гевгелија

1345

Вработени во општина Гевгелија заедно со градоначалникот Сашо Поцков но и од  тамошното комунално претпријатие, граѓани, еко акивисти и планинари од Гевгелија  учествуваа во акцијата за чистење на Армискиот парк кај Гевгелија. Станува збор за локација кај Сува река каде има подигнат споменик во чест на седум борци  кои животите ги положија за слободна и независна Македонија.

Беше собрано сето ѓубре, сувите гранки, искосена тревата но и исчистен споменикот подигнат во чест на Димитар Шаренков, Илија Маџаров, Јордана Ѓеоргиева од Конско и Борис Карпузов, Ристо Шуклев, Ристо Бојмалиев и Ѓорги Велков од Негорци кои на ова место биле мачени и стрелани.

Градоначалникот на Гевгелија најави организирање на слични вакви акции и во наредниот период се со цел да се даде придонесе за  за чиста и зелена Гевгелија

,,Зедов учество во акцијата, бидејки чиста и зелена Гевгелија беше едно од моите преидзборни ветувања. Како општина, иако не сме биле организатори секогаш сме ги подржувале еколошките акции на граѓанските организации. Сега тие зедоа учество на акцијата што ја организиравме ние. Секако дека нема да биде последна ова акција. И во иднина во контуинитет ќе организираме еко акции, оти Гевгелија тоа го заслужува. Мојата порака до гевгеличани е да ја чуваме негуваме и унапредуваме животната средина,, ни изјави првиот човек на Гевгелија Сашо Поцков кој беше дел од чистењето на Армискиот полигон кај Гевгелија.

фото ФБ Сашо Поцков-Градоначалник на општина Гевгелија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.