Гевгеличани преку Форуми на заедницата ќе одлучуваат за што да се потрошат околу 50 илјади долари

728
Општина Гевгелија во наредните 18 месеци ќе биде дел од програмата  „Зајакнување на општинските совети“, која има за цел подобрување на капацитетите на општината за транспарентно, одговорно и квалитетно испорачување на локални услуги. Со ова Програма советниците ќе може да добијат обуки за јавниот финансиски менаџмент, просторно и урбано планирање, добро управување и борба против корупција, меѓуопштинска соработка, родова рамноправност, животна средина и справување со кризи на локално ниво.
Паралалено со ова програма Општина Гевгелија ќе има можност да искористи грант во висина од 30.000 до 50.000 долари за проекти кои ќе бидат избрани низ директна консултација со граѓаните преку Форуми во заедницата. Ова значи дека гевгеличани низ форумски сесии ќе одлучуваат за кој проект или проекти да се потрошат овие пари што ќе бидат доделени во кои кофинансирање ќе има и Општина Гевгелија се со цел да се подобри квалитетот на живот во локалната заедница.
Дополнително Општина Гевгелија ќе добие финансиска поддршка во висина од 10.000 до 12.000 долари наменети за воведување дигитални алатки за подобрување на отчетноста, транспарентноста и учеството на граѓаните во работата на општинските совети.
Гевгелија е во втората група од 10 општини кои ќе учествуваат во втората фаза на „Зајакнување на општинските совети“, а во наредните две години ќе бидат вклучени уште 20 општини.
„Зајакнување на општинските совети – фаза 2“ е програма со вкупна вредност од 6,6 милиони долари, која ја финансираат Швајцарската влада и Министерството за локална самоуправа, а ја кофинансира и спроведува Програмата за развој на Обединетите нации (УНДП) во соработка со национални и локални партнери.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.