Попладнево во населеното место Гечерлија општина Босилово, од засега непознати причини избувна пожар во стара куќа која служела како помошни простории за складирање на сено. По пријавата интервенирала струмичката противпожарна единица со три возила и седум пожарникари. Заради ветрот и исушеното сено пожарот се проширил по целиот објект.
,, Во 13.15 часот во населенотот место Гечерлија, ТППЕ Струмица со 3 ПП возила и 7 пожарникари интервенираше на гаснење на запалена стара куќа во која беа складирани поголем број бали слама. Пожарот беше во разгорена фаза поради силниот ветер. Спречено е ширење на пожарот кон околните објекти и земјоделска механизација,, објавија струмичките пожарникари на својата ФБ страна
Неофицијално изгорени се неколку тона сено и слама кои освен во објектот ги имало и во дворот. Оштетен е и мотоцикл. Благодарение на интервенцијата спречено е проширување на пожарот по околната механизација и објекти поради силниот ветар
Попладнево пожар имаше и на депонијата Шапкар кој се прошири на околниот рид но истиот со интервенција на струмички Комуналец беше локализиран.
фото ФБ Пожарникари Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
