Градоначалникот на Струмица Костадин Костадинов на социјалните мрежи објави дека во Струмица се отпочнува нов мега проект, односно дека на површина од 42 илјади квадратни метри се гради нов пазар. Веста ја сподели на ФБ. Пазарот ќе се наоѓа на во Урбан блок 9 или во непосредна близина на Агри кор кај Автобуската.
,,Струмица е земјоделски град и земјоделците и граѓаните заслужуваат нов модерен пазар. На површина од 42.000м2 го градиме најголемиот пазар во Македонија!,, објави на ФБ градоначалникот Костадинов. На инстаграм објави и скица како ќе изгледа новиот пазар каде што напиша дека пазарот ќе има 527 тезги и 250 паркинг места. За утре првиот човек на Општина Струмица Костадин Костадинов за овој проект најави прес конференција.
Инаку новиот градски пазар во Струмица ќе го гради фирмата Џови компани од Мокрино. Тие ја добија јавната набавка во вредност од 272 милиони 535 илјади денари или околу 4,4 милиони евра со вкклучен ДДВ. Според потпишаниот договор пазарот треба да се изгради за рок од две години а ќе се плаќа во наредните 5 години се до 2029 година.
Пред изборот на изведувачот на градежните работи, во мај годинава беше избрана и фирмата која ќе го врши надзорот на првата фаза на изградбата на градскиот пазар. Тоа е фирмата Евро Консалтинг од Скопје која во конкуренција на 7 компании го доби тендерот за 4,8 милиони денари или за 78 илјади евра со вклучен ДДВ. ( В.Трајков )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
