Во Богданци и Дојран се спроведува проект за одржливо управување со отпад од електрична и електронска опрема

730

Здружението за развој, едукација и еколошка етика – ПОЛИМАТ 13 од Богданци  го спроведува проектот „Одржливо управување со електронски отпад – сервис за поправка и правилно одлагање на ОЕЕО во општините Богданци и Дојран“ .  Проектот ќе го реализираат до март 2024  и истиот има за цел да промовира одржливо и совесно управување со електричен и електронски отпад и минимизирање на негативните влијанија врз животната средина и здравјето на луѓето предизвикани од создавањето и управувањето со отпад.

Проектните активности ќе се спроведуваат во општините Богданци и Дојран и опфаќаат реализација на кампања за поправка на матријали од електричен и електронски отпад, организирање и опремување на простор со опрема за поправка на стара ИТ опрема, бела техника и мобилни телефони но и јакнење на капацитетите на преставниците на граѓанскиот сектор и менторство и обука на четири млади заинтересирани лица за справување со електричен и електронски отпад

Вкупниот буџет на проектот е 35 953 САД$, од кои 19 593 САД$ се обезбедени од Програмата за мали грантови на Глобалниот еколошки фонд (ГЕФ ПМГ), а преостанатите средства се учество на Здружението за развој, едукација и еколошка етика – ПОЛИМАТ 13, Општина Богданци и Општина Дојран.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.