ВМРО ДПМНЕ со иницијатива за јавен превоз во Струмица, Костадинов објави дека веќе се прават анализи за воведување

209

Советничка група на ВМРО-ДПМНЕ и коалицијата ,,За обнова на Македонија”за следната седница на Советот на општина Струмица поднесе точка на дневен ред за донесување одлука за отпочнување на постапка за организација на јавен превоз во Општина Струмица, објави на ФБ Никола Маџунков координатор на советничката група.

,,Нашата иницијатива ќе отвори можност Струмица да добие јавен линиски превоз. Струмица е голем град а оваа можност која постои во другите градови во државата и е скратена на струмичани. Јавниот превоз ќе ни овозможи поефтина мобилност на граѓаните во Струмица и населените места, а ќе го намали сообраќајниот метеж и аерозагадувањето. Одлуката предвидува и изготвување правилник за субвенционирање на постоечките превозници доколку се вклучат во јавниот линиски превоз,, стои во објавата на Маџунков

Дека на Струмица и е потребен јавен превоз во време на криза е повеќе од потребно, напиша на ФБ градоначалникот Костадин Костадинов. Како што тој објави, неговата визија е да биде еколошки и во согласност со долгорочната стратегија на ЕУ, европскиот зелен договор.

,,Мојата визија за Струмица е да бидеме првиот град во државата со целосно електричен јавен превоз, кој ќе овозможи движење на граѓаните од населените места за значително помали цени, движење низ градот, намалување на сообраќајниот метеж, решавање трајно на проблемот со дивите таксисти. За таа цел веќе ги правиме потребните анализи, истражувања кои би помогнале во имплементацијата. Оваа моја идеја ќе ја презентирам пред граѓаните преку форумот на заедниците, пред советот од кој ќе ја барам поддршката да сите заедно се запишеме во историјата на нашиот град,, напиша Костадинов

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.