ВМРО ДПМНЕ од Струмица предлага Владата да најде модел за да има пониски цени на погребалните услуги

259

ОК на ВМРО ДПМНЕ од Струмица бара Владата и надлежните институции да најдат модел или начин за ограничување или фиксирање на цените на погребалните услуги, бидејки во услови на ковид криза голем број гражани реагираат на екстремно високите цени на услугите за погреб. Ова денеска го соопшти претседателот на ОК на ВМРО ДПМНЕ од Струмица бидејки имало примери кога за погреб  се плаќало и до 48 илјади денари.

„Тажен е фактот дека во оваа земја поради ковид кризата некој може да оствари профит. Поради ова предлагаме под итно владата и надлежните органи да најдат решение и компаниите што ја обавуваат оваа дејност да понудат пониски, достапни цени. Доколку е потребно владата да реагира со ограничување или фиксирање на цените на одредени услуги“, вели претседателот на ОК на ВМРО ДПМНЕ од Струмица Жан Дервошанов

Од опозициската партија паралелно побараа надлежните институции да направат и  ревизија и доколку се утврди дека на одредени семејстав им е наплатено повеќе од реалното, разликата да им биде вратена на граѓаните.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.