Во недела закажана еко акција ,,Чисти ридови за сите’’ ќе се чистат трим патеката и патот кон Чам Чифлик над Струмица

432

Велосипедскиот клуб “ВК Актив” од Струмица најави дека во недела на 21 март организира еко акција ,,Чисти ридови за сите“ со која ќе се чистат трим патеката од Ловен Дом до Св. Илија но и по асфалтниот пат ,,Лозињата-Чамчифлик’’ со цел почиста животна средина и подигнување на свеста за чување на природата.

,,Еко акцијата “Чисти ридови за сите” ќе се случи на ден 21 март (недела) со почеток во 10.30 до 14.00. Ќе имаме две почетни локации: едната е пред “Ловен дом” од каде ќе се упатиме по трим патеката се до Св.Илија, и другата е пред СОУ “Никола Карев” од каде ќе се упатиме по асфалтниот пат “Лозињата – Чамчифлик”. На крајот е планирано двете групи да се сретнат некаде на Чамчифлик, на едно мало плато каде заеднички ќе го поздравиме настанот,, соопштија организаторите на настанот

Кон ова еко акција која , учество најавија и членови од здруженијата “Беласица Ран”, “Ентузијаст”, “Црвен крст-Струмица”, “Младински совет-Струмица”, “Монго кампинг”, “Југоисток”,“Здрава котлина”, “Планетум”, “Еделвајс”, “мотокрос клуб Џабл”, “Друмски велосипедисти”, “ЦИА Новус Струмица”, “МВП Академија”, “Риверсаунд”, Кинолошкото Друштво Астрион Канин.

,,Со ова Еко акција ќе не активира сите за да ја подигнеме свеста за почиста животна средина. Очекуваме да се собере и голема количина на отпад.  Веруваме  дека наместо умор ќе почуствуваме и едно задоволство дека нешто корисно сме и вратиле на природата и верба дека заедно и организирано можеме да направиме поголеми работи.  На оваа заедничка акција поканети се и сите активни граѓани кои можат и сакаат почиста животна средина,, соооштија од ВК Актив од Струмица

Од овој клуб информираа дека во реализцијата на Еко акцијата ќе се почитуваат сите мерки за претпазливост како што се носење на заштитна маска, држење соодветна дистанца, а учесниците ќе имаат можност за честа дезинфекција на рацете.

На крајот при заедничката средба на Чамчифлик, на малото плато ќе има еден апел за хуманитарна помош на нашиот сограѓанин Стефан Таушанов.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.