Досега 100 лица од Струмица и струмичко починале од ковид-19 а во Југоистокот 167, статистика на ИЈЗ

218

Од почетокот на пандемијата со вирусот ковид-19 заклучно со 14-ти јануари, во Струмица и регионот починале вкупно 100 лица. Ова стои во кумулативниот извештај на Институтот за јавно здравје за вкупниот број на заболени, оздравени и починати откако во последната дневна ковид статистика едно лице на возраст од 71 година од Струмица починало од компликации предизвикани од ковид-19, 13 се новопозитивни а 12 оздравеле.

Според кумулативната статистика, досега во Струмица и регионот од вирусот ковид-19 заболеле 2 456 лица, починале 100 пациенти а оздравеле 1 903 лица. Во моментов како активни се водат 453 случаи.

Во Гевгелија и регионот за последните 24 часа  регистрирани се нови 11 позитивни, едно лице починало на возраст од 76 години од Богданци а оздравени се 8. Во кумулативниот извештај стои дека регионот што го покрива Центарот за јавно здравје од Гевгелија досега заболеле 1 242 лица, починале 29, оздравеле 1 007 а во моментов како активни се водат 207 случаи

Во Радовиш и регионот досега заболеле 662 лица, 32 починале а 559 оздравеле. Таму како активни се водат 77 лица. Во Валандово пак од почетокто на пандемијата досега се регистрирани 323 позитивни на ковид-19,  6 лица починале , 286 оздравеле а 31 се водат како сеуште активни

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.