Велигденско јајце високо над два метри донација од Иље Илиев, го краси дворот „Св Пантелејмон“ во Мокриево (ФОТО)

1174

Велгиденско јајце изработено од градежен матријал, високо 220 сантиметри а тешко 600 килограми го краси црковниот двор на „Св. Пантелејмон„ во населеното место Мокриево. Станува збор за велигденски експонат – донација од Иље Илиев газдата на „Сонце“ Борисово кој го работел повеќе од еден месец. Користел железна конструкција и бетон а како финеса  црвена боја каде што има крст и пишува ХРИСТОС ВОСКРЕСЕ.

,, Сакав да дадам свој придонес за празникот но и да се свртиме кон семејните и духовните вредности бидејки во ова динамично време со напредна технологија како да ги губиме. Целта ми е да го насочам вниманието пред се на младите да одат во црква, да си ги почитуваат празниците, да го знаат значењето на празниците но и на Велигден како најголем празник ,, изјави за Дрнка.МК Иље Илиев кој досега има дадено донации и по други цркви во подбеласичкиот регион но и за деца од ранливи категории откажувајки се од советничкиот паушал.

Најголемото Велигденско јајце во Македонија и единствено од ваков тип, одлично се вклопува во уредениот двор на Црквата „Св. Пантелејмон“ во Мокриево – Општина Ново село за која се грижат верниците но и од Струмичката епархија. Црквата е целосно изградена и зографисана 1874 година а населеното место Мокриево се наоѓа под падините на Беласица. ( В.Трајков)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.