Вакцинацијата во Струмица од понеделник продолжува во службата за спортска медицина

732

Регионалниот вакцинален пункт кој се наоѓа во спортската сала на ООУ ,,Никола Вапцаров’’ од понеделник се затвора. Процесот на вакцинација во Струмица и регионот продолжува во Службата за спортска медицина при ЈЗУ ,,Здравствен дом’’ информираше директорката Љубица Митева.  Како што подвлече таа вакцини има во доволен број и сите  граѓани  кои што сакаат да се вакцинираат ќе мора да доаѓаат во кругот на струмичката болница во просториите на спортска медицина  каде што почна и вакцинацијата против ковид-19 во овој дел на државата

Митева посочи дека не се реални бројките за опфатот на вакцинација во струмичко што ги објави Институтот за јавно здравје, според кои заклучно со 26 септември годинава во Струмица и регионото се вакцинирани  34,8 одсто од населението над 18 годишна возраст . Таа соопшти дека во статистичките бројки за Струмица не се вклучени сите оние граѓани кои во првата половина на мај но и во април се вакцинираа во Скопје, Штип, Кавадарци бидејки вакциналниот пункт во Струмица бил отворен дури на 17 мај.

,,Нашиот вакцинален пункт беше отворен нешто подоцна од останатите во државата. Во тој период нашите сограѓани се вакцинираа во Скопје, Штип, Кавадарци но и во соседна Србија и Бугарија. Еве колку за илустрација медицинскиот персонал од двете здравствени установи од Струмица па и од други институции, против ковид-19 се вакцинираа во Скопје и се водат таму. Затоа сметам дека процентот што е даден е само за оние што се вакцинирани на нашиот паункт а не за сите граѓани од струмичкиот регион,, кажа Митева

Во Струмица и регионот според последните статистички податоци на Институтот за јавно здравје вакцинирани се 26 406 граѓани со прва и 23 607 со втора доза.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.