Билбордите по автопатот Е 75 на Агенцијата за туризам ги насочуваат српските туристи да уживаат во убавините на Дојран

1830

Агенцијата за промоција и поддршка на туризмот веќе неколку недели со активна кампања за промоција на убавините и локациите во Македонија кои вредат да се посетат. На повеќе локации на автопатот Е 75 од Белград до македонската граница поставени се билборди на кои со фотографии од храна и вино се канат потенцијалните туристи да престојуваат во државата. На поставените билборди се нудат и убавините на Дојран како место каде сите гости може да уживаат во традиционална храна и убавото езеро

,,Во фокусот на промоцијата меѓу останатите дестинации е Дојран и езерото, кои нудат активности и искуство кое туристите би го добиле доколку одберат да одморат попатно во овој дел од нашата земја. На билбордите може да се видат атрактивни фотографии од Дојранското езеро, локалната храна и регионот,кои содржат повикувачка реченица до транзитните туристи да застанат и да одморат покрај брегот на Дојранското езеро,, информираа од Агенцијата за промоција и поддршка на туризмот

Согласно програмата на Агенцијата за промоција и поддршка на туризмот за 2019 тата, Агенцијата за туризам реализара медиумска кампања во уште 11 земји: Словенија, Бугарија, Албанија, Косово, Хрватска, Полска, Романија, Шведска, Естонија, Израел и Турција. Воедно во 2019 година, Агенцијата за промоција и поддршка на туризмот согласно програмата за медиумска кампања има предвидено 9.500.000,00 денари.

Промоцијата на Дојран како атрактивнатуристичка дестинација во нашата земја, Агенцијата за туризамја реализираше и на 8 интернационални  саемски манифестации, односно на саемите во првата половина на оваа година. Тоа се саемите во  Утрехт, Брисел, Берлин, Загреб, Белград, Софија, Истанбул и Тирана, додека до крајот на тековната година во подгововка се саемите во  Римини, Варшава, Измир, Лондон и Сингапур.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.