Соседна Грција утре и задутре забрани влез за товарни возила на сите гранични премини поради најави за обилни врнежи од снег. Македонското МВР соопшти дека забраната ќе започне во недела на 5 јануари во 5 часот науто па се до понеделник навечер до полноќ.
„Според добиените информации од грчките погранични служби, се воведува забрана за влез за сите товарни моторни возила во Република Грција, и тоа на граничните премини ‘Богородица‘, ‘Стар Дојран‘ и ‘Меџитлија‘, со можност за нејзино продолжување“, велат од Министерството за внатрешни работи.
Како што е наведено во известувањето од грчките служби, причина за забраната е најавата за лоши временски услови во споменатиот период, со можност за невреме проследено со обилни врнежи на снег
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
