Струмичка Беласица не успеа да слави против Скопје и да обезбеди прволигашки статус следната натпреварувачка сезона. На градскиот стадион во Штип, избраниците на Марковски од Скопје славеа со 2:1 против струмичките сино бели кои повторно ќе бидат во второлигашкото друштвo од наесен.
Филип Јаневски беше херојот на мечот кој ги постигна двата гола за Скопје. Тој во 33 минута го отвори резултатот со кој двете кипи заминаа на одмор. Составот на Стојанов тргна поофанзивно во второто полувреме што вроди со плод во 52 минута кога Димитар Трајков ефектно со пета донесе израмнување.
Беласица не издржа во финишот од средбата. Победничкиот гол Јаневски го постигна во 87 минута. Струмичани не успеа да се вратат во игра и во продолжението од мечот со што Скопје остана во најдоброто фудбалско друштво во Македонија.
Во вториот бараж меч Тиквеш славеше над Воска во Струмица со 4:1 со што досегашните прволигаши остануваат во елитата и следната сезона
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
