Општина Валандово склучи договор со струмичката фирма Пешо Инженеринг во вредност од приближно 115 илјади евра за изградба на секундарна мрежа на канализационен систем во населените места Балинци и Брајковци. Струмичката фирма доставила понуда со најниска цена за овој проект, за кој на јавното наддавање во Бирото за јавни набавки конкурирале седум фирми
Според склучениот договор, до крајот на ова година или почетокот на месец јануари, фирмата Пешо Инженеринг треба да ги заврши работите на терен околу секундарните канализациони мрежи во овие две населени места. Општина Валандово пак плаќањето ќе го врши од годинашниов Буџет во висина од 4 милиони денари а останатите средства треба да ги плати од Буџетот за идната година.
Во тендерската документација за двете населени места се планирани ископи на 20 краци од различна должина и поставување на соодветни канализациони цевки со потребните шахти со што ќе бидат опфатени речиси сите домаќинства од Балинци и Брајковци.Планирано е инсталирање на секундарнамрежа во должина од 3285 метри и изградба на 116 канализациони шахти.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
