Ракометарите на ,,Астраион’’ од Струмица направија уште едно победничко селфи откако во прволигашкото натпреварување Група 1 ја прокнижаа и 11 тата победа во првенството. На гостувањето во Скопје славеа со 25:23 против Јуниор Кисела Вода за да ги потврдат амбициите дека се најдобриот тим во ова група, преку која се наметнуваат како еден од сериозните кандидати за плеј офф разврската и можен скок во елитата.
Струмичани постојано го диктираа играта и резултатот. Имаа одлична одбрана во која Јуниор Кисела Вода не успеа да се снајде и мораше да се помири со пораз. Искусниот Митко Караиванов со 10 погодока беше најефикасниот на теренот. Велков постигна 5 а Наков и Ончев по 4 гола. Во листата на стрелци се запишаа и Кавазов и Катранџиев додека голманот Димовски имаше 11 одбрани
Со ова победа струмичани имаат 31 бод, еден повеќе Прилеп кој мора да паузира едно коло. До крајот на овој дел од сезоната, струмичани ќе гостуваат во Штип на Текстилец и тоа овој викенд а по празниците им остануваат уште два меча со Македонија ГП во Струмица и со Прилеп во гости.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
