Авионско прскање против комарци во осум општини во Југоистокот, Гевгелија и Радовиш сами ќе се справуваат со комарците

1189

Центарот за развој на Југоисточниот плански регион во соработка со осум општини од регионот. Струмица, Василево, Босилово, Ново Село, Конче, Валандово, Богданиц и Дојран  организира авио-третирање против комарци. Авио третирањето ќе биде утре и задутре а според договорот предвидени се две прскања на територијата на Југоисточниот регион со вкупна површина од 7542 ха.

Утре четврток 27.06.2019 година ќе има авиопрскање против комарци во општините  Богданци, Валандово и Дојран . Третирањето ќе биде во раните утрински часови во периодот од  04:30 до 09:30 часот.За граѓаните од општините Струмица, Василево, Босилово, Ново Село и Конче планирано е првото прскање да се изврши на 28.06.2019 година – петок,  во истиот период, односно од 04:30 до 09:30 часот.

Доколку временските услови не дозволат да се реализира прскањето, истото ќе се спроведе  на 28.06.2019 за општините Богданци, Валандово и Дојран, односно на 29.06.2019 година за општините Струмица, Василево, Босилово, Ново Село и Конче во истиот временски период.

Се известуваат сопствениците на пчелни семејства да преземат соодветни мерки за заштита, односно да  ги затворат истите во најавениот временски период.

Авио прскање преку Центарот за развој на Југоисточниот плански регион ќе нема во општините Гевгелија и Радовиш кои одлучија ова година самостојно да го реализираат третирањето против комарци во соработка со нивните Центри за јавно здравје.

Гевгелија пред една седмица изврши тереистичкото прскање против комарци со специјално возило. Следното ќе биде извршено во текот на месец јули. Предвидено е секој месец, во текот на летото, да се врши тереистичко прскање против комарци во Гевгелија

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.