Едно малолетно лице од Гевгелија е тешко повредно откако паднал од предната хауба на возило Југо управувано од жител на Богданци. Инцидентот се случил во населеното место Стојаково синоќа пред полноќ. Три малолетни лица на возраст од 17 години се качиле на возило југо во Стојаково и се возеле. Двете биле на предната хауба на возилото додека третото стоело на задниот дел од возилото на куката. Во еден момент едното лице што било напред на хаубата се лизнал и паднал на патот и со тешки повредни бил пренесен во гевгелиската болница. За инцидентот потврди и полицијата
,,На 25.06.2025 во 01.30 часот во Полициската станица Гевгелија, од Општа болница Гевгелија било пријавено дека кај нив со тешки телесни повреди бил донесен 17-годишник од Гевгелија. Според пријавеното, тој паднал од предна хауба на возило „југо“, кое го управувал Б.Ќ.(21) од Богданци, а на која се превезувал со уште еден 17-годишник од Гевгелија, додека еден 17-годишник се превезувал на задниот дел од возилото, на куката. За настанот бил известен јавен обвинител, а по целосно документирање на случајот, ќе биде поднесена соодветна пријава.“, соопшти полицијата
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
