Џио и Вардар со сите присутни во Парк, му оддадоа почит на Дени Стојчев, екс одбојкарот на Џио и младински репрезентативец

1912

Дербито од седмото коло од Првата одбојкарска лига помеѓу Џио Струмица и Вардар помина во сенка поради ненадејната смрт на Дени Стојчев.

Одбојкарите на двата состава почетниот удар му го посветија на 32 годишниот Стојчев инаку поранешен одбојкар на Џио Струмица и на македонската репрезентација во помладите категории. Му оддадоа почит со едно минутно молчење за Дени кој во Џионастапуваше до 2009 тата а во кадетскиот и јуниорскиот национален состав играше на позицијата либеро.

Инаку дербито од Првата одбојкарска лига им припадна на одбојкарите на Вардар кој во салата Парк славеа со 3:0 во сетови . Гостите од Скопје предводени од струмичката тројка Михаилов, Маџунков и Илиев заедно со искусниот Симовски се покажаа преголем залак за актулниот шампион. Вардар лесно ги доби првите два сета во кои во редовите на Џио имаше премногу нервоза по одредени судиски одлуки

Во третиот сет домашниот Џио предводени од  Урдов, Николов, Наков, Балџиев и Ричлиеви го подигнаа нивото на играта но само до средината кога Вардар повторно ,,нагази’’ за лесна и убедлива победа од 3:0.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.