ОК Џио Струмица ја потврди својата доминација во годинашниов одбојкарски Шампионат и потврди дека Струмица е најодбојкарскиот град не само во земјава туку и на Балканот. Со само два пораза четата на капитенот Васко Михаилов го кренаа Шампионскиот пехар и ја одбранија минатогодишната титула за која дури четири клуба сериозно атакуваа па во втората фаза од првенството донесоа одбојкарски имиња од Бразил, Австралија, САД, Србија, Украина, Бугарија. Но како што вели капитенот Михаилов пресудно било што Џио Струмица ова сезона покажа карактер и срце и преставуваат одбојкарско семејство.
,,Ова беше најтешка сезона но и најслатка титула што ја имаме освоено. Останатите клубови имаа донесено играчи од цел свет, сепак струмичките момци покажаа карактер и срце и излегоа херои во таа битка. Капа симнувам екипи моја,, напиша Васко Михаилов капитенот на Џио Струмица по финалната победа против кичевска Шутова која имаше намера да ја прекине доминацијата на струмичани па донесе имиња од Србија, Бразил, Украина а ангажираше и домашни звучни имиња
Џио Струмица освен титулата годинава го освои и Купот. Двојната титула беше целта за струмичката чета ова сезона која единствено киксна со Шутова во втората фаза од првенството и од Вардар во плеј офф полуфиналето. Се другото беше рутина и вложување на онолку труд за да се однесе победата
,, Ние сме екипа со карактер, одбојкарско семејство кое има срце да одговори на сите предизвици. Тоа е резултат на професионалниот пристап, макотрпната работа и хомогеноста на целиот состав. Родени сме за шампионски титули’’ ни изјави Михаилов кој успехот го препишува и на раководството на клубот предводено од претседателот Ѓорги Ѓоргиев и кормиларот на бродот Џио Струмица – Кире Ричлиев
Џио Струмица сериозно размислува и за Европа. Допрва ќе се прават анализи, сега ќе се посветат на македонската одбојкарска репрезентација која годинава ќе дебитира на ЕП во Словенија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
