Ќе биде вечер со емоции и преку Мојата улица со публиката ќе патуваме под ѕвездите на Струмица, вели Васил за концертот во петок

2164

Во петок на 29  ти ноември Васил Гарванлиев ќе оддржи концерт во Струмица во Центарот за култура Антон Панов кој го наслови како ,,Мојата улица’’ а на кој на сцената ќе бидат околу 30 тина уметници. Тој неодамна го промовираше својот сингл ,,Патувам’’ а  за престојниот концерт вели дека со публиката ќе патуваат на многу убави места бидејки целиот ќе биде музичко уживање и патување.

,,Јас овој концерт го спремам долго време. Сѐ ова е дел од причината која ме врати дома. Верувам во нашата музика, цела година барам права екипа да застане позади мене, креирам музика и сакам да покажам дека ние може да сме “ситни” како нација ама динамитни. Мислам дека е повеќе од очигледно дека си ја сакам и обожавам Струмица, и сум многу особено благодарен што Општината и Струмица се позади мене за овој проект,, изјави за Дрнка.МК Васил Гарванлиев

Гарванлиев долго време беше во странство но последниве години интензивно работи бо земјава. Беше дел и од евровизискиот тим на Тамара во Израел. Вели дека  во петок пристуните има што да видат бидејки на сцена ќе бидат најдобрите музичари.

,,Мојата улица’’ е едно музичко уживање и патување со најдобрите музичари што ги имаме во земјава. На сцена ќе имаме околу 30 уметници како што се продуцентот Давор Јордановски на клавијатури , Хорот ,,Св. Злата Мегленска’’, Александар Јовевски – Монистра на кавал и тамбура, Горан Алиќ од Јупитер на гитара, Кеми Асанов од Асанови на труба, Ратко Даутовски од Танец на перкусии, Оливер Јосифовски од Љубојна на контрабас, гудачи од Полифонија, со специјален гостин Игор Џамбазов,, ни изјави Гарванлиев

Тој на концертот во петок фицијално ќе го промовира и најновиот сингл ,,Мојата улица’’ за кој музиката ја напиша тој лично, текстот е на Игор Џамбазов а аранжманот на Давор Јордановски

,,Овој концептуален концерт е и промоција на следната моја песна “Мојата Улица” исто како и премиерни настапи на Ѓердан, Патувам, и Помогни ми. Мојата Улица е една гола емотивна балада само со клавир и глас. “мојата улица продадена тајна, мојата улица искршена слика, љубов забранета сон недосонет, како во стар Моцартов сонет”, вели Васил кој во петок ветува возбудлива вечер полна со емоции но и можност да се запознае со публиката и заедно да ,,патуваат’’ на убави места

Еве го последниот сингл на Гарванлиев – Патувам

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.