По Јавниот повик за доделување простории за времено користење, шест граѓански здруженија добија свои работни простории во објектот на Повеќенаменскиот социјален центар и Новиот НВО Центар во зградата од поранешната касарна позната како Деловниот инкубатор која се адаптираше со општински и средства од Бугарија.
Според донесеното Решение, Комисијата за спроведување на Јавниот повик просториите во повеќенаменскиот социјален центар – приземје ги додели на Здружението ,,Избор’’ , Здружението на граѓани за поддршка на лица со Даунов синдорм ,, Вера’’ од Струмица, Здружението за едукација и развој на лица со пречки во развојот ,, Еднаквост’’ и на Здружението на лица за телесен инвалидитет ,,Мобилност’’ од Струмица
Простории пак од новиот НВО центар односно првиот спрат од зградата добија, Друштвото за проучување и заштита на птиците Струмица и Фондацијата за развој на мали и средни претпријатија Струмица.
Доделувањето на простории е да се реализира концептот ,,Струмица грижлив град’’ е со цел да се создадат механизми за институционална поврзаност меѓу Општината и граѓанскиот сектор за градење на локална заедница со еднакви можности за сите кажаа од општината кога го објавија јавниот повик. Граѓанските здруженија нема да плаќаат наемнина за просториите туку само режиски трошоци
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
